बिष्णु खड्का स्वास्थ्यको लागि खेलकुद राष्टको लागि खेलकुद भन्ने मुल नारा सहित उमाकुण्ड गाउँपालिका प्रिती रामेछापको आयोजनामा फाग्गुन १० बाट सुरु भएको दोस्रो राष्टपति रनिङ सिल प्रतियोगिताको आज समापन गरिएको छ । फाल्गुन १३ गते नै सकिने भनियता पनि बर्षादको कारण खेल नसकिएपछी आज समापन गरिएको आयोजक उमाकुण्ड गाउपालिकाले जनाएको छ । उमाकु्ण्ड गाउपालिका भित्र रहेका ७ वटा माबिका छात्र, छात्राहरुबिच भएका विभिन्न खेलहरुमा सिदेश्वर माबि बाम्तिभण्डारले विभिन्न बिदामा गरि ७ स्वर्ण , ६ रजत र ४ काँस्य गरि जम्मा १७ पदक प्राप्त गरि दोस्रो राष्टपति रनिङ सिलको पहिलो स्थान हात पारेको छ । त्यस्तै चण्डेश्वरी माबि प्रितीले ७ स्वर्ण , ३ रजत र १ काँस्य गरि जम्मा ११ पदक प्राप्त गरि दोस्रो स्थान हात पारेको छ । भने काँस्थेम माबि भुजिले २ स्वर्ण ,४ रजत र ५ काँस्य गरि ११ पदक प्राप्त गरि तृतिय स्थान हात पारेको छ । त्यस्तै सरस्वती माबि प्रितीले जम्मा ७ पदक प्राप्त गरि चौथो, कैलेश्वर माबि गुप्तेश्वरले जम्मा ६ पदक प्राप्त गरि पाँचौ, जनता माबि कुभुले जम्मा ५ पदक प्राप्त गरि छैटौ र महालङगुर माबि गुम्देलले जम्मा ३ पदक प्राप्त गरि साँतौ स्थान प्राप्त गरेका छन । त्यस्तै शिक्षकहरु बिच भएको भलिबल खेलमा सिदेश्वर माबि बाम्तिभण्डारका शिक्षकहरुको टिमले प्रथम स्थान ओगटेको छ । बिजय बिद्यालयका बिद्यार्थीहरुलाई शिल मेडल र प्रमापणत्र गाउँपालिकाका अध्यक्ष सेर बहादुर सुनुवाले प्रदान गर्नुभएको छ । समापन कार्यक्रममा बोल्दै गाउँपालिका अध्यक्ष सुनुवारले प्रतिकुल मौसमका बिच पनि बिद्यार्थीहरुले खेल क्षेत्रमा देखाएको चासो प्रति सिङ्गो गाउँपालिका खुसि रहेको बताउनु भयो । कार्यक्रममा बोल्दै गाउँपालिका उपाध्यक्ष उर्मिला कार्की बस्नेतले बिभिन्न बिदामा स्वर्ण रजत र काँस्य पदक बिजेता ७ वटै माबिका बिद्यार्थीहरुलाइ धन्यबाद ब्यक्त गर्नुभयो । समापन कार्यक्रममा उमाकु्ण्ड गाउँपालिका नेकपा का नेता अनन्त कुमार खड्का , विभिन्न बिद्यालयका शिक्षक लगायतको उपस्थिती रहेको थियो ।